کرہ ارض پہ اک روز فغاں کرلیتا

غزل

کرہ ارض پہ اک روز فغاں کرلیتا

کرب کی لاش کو لفظوں میں بیاں کرلیتا

Kurra e arz pe ik roz fughaaN karleta

Karb ki laash ko lafzoN main bayaN karleta

اے بتو! ظرف تمھارا ہے بہت چھوٹاسا

ورنہ اندر کے مسلماں کو عیاں کرلیتا

A butoo, zarf tumhara hay boht choTa sa

warna andar k musalmaN ko ayaN karleta

جذبہ دل کو نئے ڈھنگ سے صورت دے کر

کہنہ اک کاہکشاں کو میں جواں کرلیتا

Jazba e dil ko naye dhang say soorat dekar

Kohna ik kaahkashaaN ko main jawaN karleta

ہاں تڑپنا تھا اسی دور میں بسمل ہوکر

کیسے اک اور زمانے میں مکاں کرلیتا

HaaN taRapna tha isi dor main bismil hokar

Kesay ik aor zamane main makaaN karleta

قطرہ خوں میں بہاروں کا سندیسہ لے کر

باغ حیواں میں مداواے خزاں کرلیتا

Qatra e KhooN main baharoN ka sandesa lekar

Baagh e hewaaN main madaawaaye khizaaN karleta

دیکھتا اندر و بیروں سے جو مجھ کو یکساں

دو جہاں اپنے یہ تجھ پر میں دھواں کرلیتا

dekhta andar o beeroN say jo mujhko yaksaaN

Do jahaN apne ye tujh par main dhuwaaN karleta

اپنے ہی عشق میں صد شوخ مناظر لے کر

ذات کو تیرے لیے ان میں نہاں کرلیتا

Apne hi ishq main sad shokh manazir lekar

Zaat ko teray liye in main nihaaN karleta

لذت سوز جگر ایک نشہ ہے ورنہ

شوق دیدار کو محروم زماں کرلیتا

Lazzat e soz e jigar aik nasha hay warna

Shoq e deedar ko mahroom e zamaaN karleta

روح سفاک خموشی میں فنا ہوجاتی

میں بھی بکھرے ہوئے اجزا کو زباں کرلیتا

Rooh saffak khamoshi main fana hojati

Main bhi bhikray hue ajzaa ko zubaaN karleta