2 Comments

بے بسی

بے بسی

محبت میں اپنے اونچے منصب سے نیچے اتر کر
میں تیری چاہت کی منزل کی طرف
ایک سال خوردہ کچھوے پر
باگیں کسنے کے بعد
ممکنہ تیزرفتاری کے ساتھ محو سفر ہوچکا ہوں
کیا تیرے بنائے ہوئے آگ، مٹی، ہوا اور پانی
یہ سب دیکھ کر
تجھ سے سرگوشی کرنے کی جراءت کرتے ہیں؟
کہ ولادت کے دن سے
ہماری گرفت میں آیا ہوا
تیرا دیوانہ کتنا بے بس ہے!
میری دیوقامت سواری
جب پانی پر اپنا سفر شروع کرتی ہے
تو مجھے خیال گزرتا ہے کہ
کبھی اس پر تیرا بھی تخت ہوا کرتا تھا
اور میں کچھوے کے سخت خول پر
اپنی تمام تر شکستگی کے ساتھ
خود کو باربار پھسلنے سے بچا کر
اُس تخت کے بارے میں سوچتا ہوں
تو حیران ہوتا ہوں کہ
کیا وہ بھی کسی کچھوے کے خول کا بنا تھا
یا تو نے اُسے مٹی سے بنایا تھا
جیسا کہ مجھے مٹی سے گوشت پوست میں تبدیل کرکے
اور اپنا لافانی لمس عطا کرکے
عناصر اربع کے حصار میں قیدی کی طرح ڈال دیا تھا
اور اس کے در پر وقت کا بے رحم تالا مزین کردیا
اور اس قیدخانے کو
ستاروں سے روشن کرنے کے بعد
تنہائی کی سنگین راتوں کو جنم دیا
اگر ہم کسی تخلیق کار کے اندر پلنے والے خیال کے لیے۔۔۔۔
جو بالآخر تخلیق کار کے وجود سے باہر
ایک فن پارے کی صورت میں ظہور کرتا ہے
اگرچہ اس کا حقیقی عکس اس کے اندر
کسی گوشے ہی میں محفوظ رہتا ہے ۔۔۔۔
لفظ جنم استعمال کرسکتے ہیں تو
تو پھر میں کہ سکتا ہوں کہ
تنہائی کو جنم دینے والی تیری ذات ہے
جس کا پرتو مجھ جیسے ہر خاک زادے کے اندر

تباہی مچاتا رہتا ہے
خاک سے اپنی نسبت ہونے کے باوصف
میں اس خوف سے کہ کہیں ڈوب نہ جاؤں
کچھوے کے سخت خول پر
اپنی ٹانگوں کی گرفت مزید سخت کردیتا ہوں
کیا یہ عناصر اربع تجھ سے
میری بے بسی کے بارے میں سرگوشیاں کرتے ہیں
ایسی بے بسی جو
ڈوب جانے کا خوف طاری کرکے
تنہائی کی اس دیوقامت علامت کے ساتھ
مجھے نئے سرے سے چمٹنے پر مجبور کردیتی ہے!

Be-Basii

Muhabbat main apnay onchay mansab say neechay utar kar
Main teri chahat ki manzil ki taraf
Aek saal-khurda kachway par
BaagaiN kasnay k ba’d
Mumkina taizraftaarii k sath mahw-e-safar ho chuka hoN
Kia tairay banaye hoe aag, mitti, hawa aor paani
Ye sab daikh kar
Tujh se sargoshi karnay ki jur’at kartay hain?
K wiladat k din say
Hamari garift main aaya hoa
Taira deewana kitna be-bas hay!
Mairii daiw-qaamat sawaari
Jab paani par apna safar shuroo karti hay
Tu mujhay khayal guzarta hay k
Kabhi is par taira bhi takht hua kara tha
Aor main kachway k sakht khol par
Apni tamaam-tar shikastagi k sath
Khud ko bar bar phisalnay say bacha kar
Us takht k baray main sochta hoN
Tu hairaan hota hoN k
Kia wo bhi kisi kachway k khol say bana tha
Kia tu nay osay mitti say banaya tha
Jaisa k mujhay mitti say gosht-post main tabdeel kar-k
Aor apna lafaani lams ata kar-k
Anaasir-e-arb’a k hisaar main qaidii ki taraH daal dia tha
Aor os k dar par waqt ka be-rahm taala muzayyan kardia
Aor os qaid khaanay ko
SitaaroN say roshan karnay k bad
Tanhaayi ki sangeen raatoN ko janam dia
Agar ham kisi takhleeq-kaar k andar palnay walay khayal k liye…
Jo bilakhir takhleeq-kaar k wajood say baahir
Aek fanpaaray ki soorat main zahoor karta hay
Agarche is ka haqeeqi aks os k andar
Kisi goshay hi main mahfooz rahta hay…
Lafz Janam istimaal karsaktay hain tu
tu phir main keh sakta hoN k
Tanhaayi ko janam denay wali tairii zaat hay
Jis ka parto mujh jesay har khaak-zaaday k andar
Tabahi machata rehta hay
Khaak say apni nisbat honay k baa-wasf
Main is khof say k kaheeN doob na jaaoN
Kachway k sakht khol par
Apni taangoN ki garift mazeed sakht kardeta hoN
Kia ye anasir-e-arb’a tujh say
Mairii be-basi k baray main sargoshiaN kartay hain
Aesii be-basi jo
Doob jaanay ka khof taari kar-k
Tanhaayi ki is daiw-qaamat alaamat k sath
Mujhe naye siray say chimatnay par majboor kardetii hay!

Advertisements

2 comments on “بے بسی

  1. اگرچہ اس کا حقیقی عکس اس کے اندر
    کسی گوشے ہی میں محفوظ رہتا ہے ۔۔۔۔
    taleeq kar ki yeh haqeeqat is se pahle nahiN dekhi. ajeeb khayaal hai. bebasi hamari taqdeer hai aur ham ne pahle bhi kaha tha hamari marzi kya lee gayi thi is sare jhamele meiN?

    • Janab, ye meri soch ka hasil hay k haqeeqi aks takhleeqkaar k andar hi rehta hay, wo kabhi osi tarah baahir nahi aapaata jis taraH andar hota hay…
      bebasi k baray ap ki baat say muttafiq hoN…
      shukria meray is walay blog par nazr-e-karam dalnay kliye 🙂

Comments Please

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: