Leave a comment

لمس

لمس

راگ پُروی کا لمس
کائناتی رگوں سے ٹپک کر
میرے فانی جسم کے ذرے ذرے میں
ایسے مل چکا ہے جیسے
روزِ ازل قدرت کے ہاتھوں
مشتِ خاک میں عرقِ تخلیق
اے لمس
آج تو میرا مخاطب ہے
ابدی لہر کی طرح
انسانوں کے گرد
بُنی جانے والی فضا میں
میرا وجود تیرے وجود کا متلاشی رہا ہے
تیرا وجود میرے وجود کو
اپنے نام کی طرح وہ لمس عطا کرتا ہے
جو درد اور سکون کے سنگم پر
لجلجے عرقِ تخلیق سے جنم لیتا ہے
اور اے لمس
میں تجھے
ایک وجود سے دوسرے وجود تک
تیرے سفر کے نہایت لطیف لمحات میں
کیوں نہ ٹھہر کر دیکھوں۔۔۔
کہ تجھے محسوس کرنے والے
جب ارتقائی جست بھرنے کی تمنا میں
اپنے تخلیقی سوتوں پر دیوانگی کے عالم میں
تیشہ چلاتے ہیں
اور خود میں پھوٹ بہنے کے لیے
کائنات کے عظیم الجُثہ غیر مرئ ایٹم کو
اپنے اندر پھاڑ دیتے ہیں
اور
تجھے دیکھنے کی منزل پر آتے ہیں
تو
مجسم خلش بن جاتے ہیں
اے لمس
تو ہمیشہ مسرت کے الوہی ململی پردوں میں
درد کیوں منتقل کرتا ہے۔۔۔

Lams

Raag Purvi ka lams
Kaayinaati ragoN say tapak kar
Meray faani jism k zarray zarray main
Aesay mil chuka hay jaisay
Roz-e-azal qudrat k hathoN
Musht-e-khaak main araq-e-takhleeq
A Lams….
Aaj tuu mera mukhatib hay
Abadi lahr ki tarah
Insano k gird
Bunii jaanay walii fizaa main
Mera wajood teray wajood kaa mutalashi raha hay
Tera wajood meray wajood ko
Apnay naam ki tarah wo lams ata karta hay
Jo dard aor sukoon k sangam par
Lajlajay araq-e-takhleeq say janam leta hay
Aor a lams…
Main tujhay
Aek wajood say doosray wajood tak
Teray safar k nihayat lateef lamhaat main
KioN na thehr kar dekhoN
K tujhay mehsoos karnay walay
Jab irtiqaayi jast bharnay ki tamanna main
Apnay takhleeqii sotoN par deewangi k alam main
Teesha chalatay hain
Aor khud main photo behnay k liye
Kaayinaat k azeem-ul-jussa ghair-marayi atom ko
Apnay andar phaaR detay hain
Aor
Tujhey dekhnay ki manzil par aatay hain
Tu
Mujassam Khalish ban jaatay hain
A Lams
Tuu hamesha masarrat k uloohi malmalii pardon main
Dard kioN muntaqil karta hay…!

Advertisements

Comments Please

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: